دوو هاوڵاتی كورد بانگهێشتی ئیدارەی ئیتلاعات كران

لوقمان ئەحمەدی‌و هاوسەری ناوبراو بە ناوی مەهین دوو هاوڵاتی كوردی شاری سەڵماسن كە پاش بانگهێشت كردنیان بۆ ئیدارەی ئیتلاعات هەڕەشەیان لێكراوە.

بە پێی هەواڵێكی سایتی هرانا، رۆژی چوارشەممە 6ی خاكەلێوەی ئەمساڵ لوقمان ئەحمەدی وێڕای هاوسەرەكەی مەهین كە دانیشتووی ئاوایی لیلوس سەر بە شاری سەڵماسە، بانگهێشتی ئیدارەی ئیتلاعات كراون‌و خراونەتە ژێر لێپرسینەوە‌و لێدان.

بە پێی ئەم هەواڵە، لە درێژەی یەكمانگی رابردوو لوقمان ئەحمەدی‌و هاوسەرەكەی چەندین جار بە تۆمەتی پێوەندیی لەگەڵ حیزبە كوردیەكان بانگهێشتی ئیتلاعات كراون‌و هەڕەشەیان لێكراوە.