زاگرۆس پۆست
29 لە سەدی دانیشتووانی شاری كامیاران تووشی بێكاریی هاتوون ئەمەش بوەتە گرفتێكی گەورە بۆ خەڵكی ئەو شارەو بە تایبەت لاوان.بە پێی شاری كامیاران زیاتر لە 100 هەزار كەس دانیشتووی هەیە‌و بە پێی وتەی سالار مورادی نوێنەری ئەو شارە، كامیاران سەرەڕای ئەوەی گرفتی بێكاریی بەرۆكی گرتووە، هاوكات تووشی كەم ئاوی بووە‌و ئەمەش خەڵكی نیگەران كردووە. شارۆمەندێكی كامیارانی رەخنە لە نوێنەری شارەكەیان دەگرێ‌و دەڵێ، هەموو ئەم گرفتانە‌و لەوانە بێكاریی ساڵانێكی زۆرە بەرۆكی خەڵكی ئەم شارەی گرتووە، بەڵام ئێمە دەرفەتێكمان نیە بۆ ئەوە بتوانین راستەوخۆ داواكاریەكانمان دەرببڕین.
خەڵكی كامیاران لە سەر ئەو باوەڕەن كە رێژەی بێكاریی لەو شارە زۆر لەوە زیاترە كە نوێنەری ئەو شارە رایگەیاندووە.
