وازهێنان لە راوچیگەری لە كوردستان بەردەوامە

پاش ئەوەی شەپۆلێك لە وەلانان‌و وازهێنانی لە راوچیگەری لە رۆژهەڵاتی كوردستان دەستپێكردووە‌و زۆربەی شارەكانی كوردستان گرتەوە، راوچیەكی خەڵكی دەوروبەری شاری سنە بە ناوی عەلی زەند كەریمی وازی لە راوچیگەری هێنا.

ئەم راوچیە پاش شكاندنی چەكەكەی كە تایبەت بوو بە راوچیەتی، كۆمەڵێكی بەرچاو قەفەسی تایبەت بە راگرتنی كەوی لە نێو ئاگردا سووتان‌و ١٧ کەویشی ئازاد کردوو بڕیاریدا كە بۆ هەمیشە واز لە راوچیگەری بە گشتی‌و راوكردنی باڵندەكان بە تایبەتی بهێنێت.

شەپۆلی وازهێنان لە راوكردنی پەلەوەرو باڵندەكان لە مەریوانەوە دەستیپێكردوو زۆربەی ناوچەكانی كوردستانی گرتەوە‌و بەو بۆنەشەوە ئەنجومەنی سەوزی چیای مەریوان‌و هەندێكی دیكە لە رێكخراوە ژینگەپارێزەكان رۆڵێكی بەرچاویان لە گەڕانەوە بۆ سرووشتی ئەو كەسانە گێڕاوە كە خەریكی راوكردن بوون.