زاگرۆس پۆست
کاسبکارێکی خەڵکی شاری بانە، بە ھۆی تەقەی هێزەکانی سپای پاسداران لە ئوتۆمبێلەکەی کوژرا.
بەرەبەیانی ئەمڕۆ دووشەممە ٢٩ی بەفرانبار، هێزەکانی سپای پاسداران لە سێ ڕێیانی “بوویین”ی بانە، تەقایان لە ئوتۆمبێلی کاسبکارێک ناوی “یوسف فەتاحزادە” کوڕی مەحموود، تەمەنی ٣٧ ساڵە و خەڵکی بانە کرد و دەستبەجێ کوشتیان.
لە کاتێکدا کە یوسف لە گوندی “خۆریاوا” دەگەڕایەوە، هێزەکانی سپای پاسداران بە بێ ئاگادار کردنەوە و هۆشداری، بە تۆمەتی هەڵگرتنی کەلوپەلی قاچاخ، ئوتۆمبێلی ناوبراویان داوەتە بەر گوللـە و کوشتوویانە، ئەمەش لە کاتێکدابوو کە ئوتۆمبێلی ناوبراو هیچ بارێکی هەڵنەگرتبوو.
یۆسف فەتاحزادە ژنی بووە و باوکی دوو مناڵ بووە و تەرمەکەی ئێستا گوازراوەتەوە بۆ نەخۆشخانەی سەلاحەددینی ئەییوبی لە بانە.
