زاگرۆس پۆست
كچێكی خوێندەواری كورد پاش بەشداریكردنی لە 15 هەمین دەورەی كێبڕكێی نێونەتەوەیی وێنەكێشان لە وڵاتی بولغارستان لە ژێر ناوی نوازگوارا توانی دیپلۆمی شانازی وەربگرێت.
پەریا پەسوەیی ئەو كچە خوێندەوارە كوردەی خەڵكی شاری مەهابادە كە بە كێشان وێنەیەك لە چۆنیەتی بەڕێوەچوونی زەماوەند لە كۆمەڵگای كوردیی‌و كەڵك وەرگرتن لە داب‌و نەریتەكانی ئەو ناوچە و بە وێنەدەرهێنانی، دیپلۆمی شانازیی لەو وڵاتەدا پێ بەخشرا.
ئەو كێبڕكێیانە بە بەشداری كۆمەڵێك خوێندەوار لە 28 وڵاتی جیهان‌و بە بەشداریی زیاتر لە 2 هەزار و 650 بەرهەمی منداڵانی وێنەكێش لە وڵاتانی جۆراوجۆر دەستیپێكرد.
پەریا پەسوەیی خەڵكی شاری مەهاباد لە پۆلی شەشەمی سەرەتایی لە قوتابخانەی شافێعی لەو شارە لە حاڵی خوێندندایە.
