زاگرۆس پۆست
لە کاتێکدا کە پارێزگای سنە ١٦٧٧ گوندی ھەیە، بەڵام لەم رێژەیە تەنیا ١٦ گوند تۆڕی ئاوڕۆیان ھەیە.
محەمەد حسەین محەمەدی، بەرپرسی شیرکەتی ئاو و ئاوڕۆی پارێزگای سنە بە ئاماژە بەم بابەتە وتی: تەنیا لەسەدا ١.٧ی گوندەکانی پارێزگانی سنە سیستەمی ئاوڕۆی ھەیە و زیاتر لە سەدا ٩٨ی گوندەکانی ئەم پارێزگایە لە ھەبوونی سیستەمێکی بێھداشتی ئاو و ئاوڕۆ بێ بەرین.
چالاکانی سیاسی و کۆمەڵایەتی کوردستان لەسەر ئەو قەناعەتەن کە کۆماری ئیسلامی تەنیا بە مەبەستی داگیرکاری و کاولکاری رووی لە کوردستان کردووە و لە راستیدا ھیچ خزمەتگوزاریەکی دروست و بەکەڵک ناخاتە خزمەت خەڵکی کوردستانەوە و تەنیا ھەوڵی بە پادگان کردن و میلیتاریزە کردنی شارەکانی رۆژھەڵاتی کوردستان دەدات.
