زاگرۆس پۆست
به بۆنه‌ی نزیکبونه‌وه له ساڵیادی کۆمه‌ڵکوژیی هه‌ڵه‌بجه، کۆمه‌ڵێک رێکخراوی مه‌ده‌نی‌و تایبه‌ت به ئه‌نفال له به‌رده‌م کۆنسوڵخانه‌ی ئاڵمان خۆپیشاندانێکیان رێخست‌و داوای دادگاییکردنی ئه‌و کۆمپانیا ئاڵمانییانه‌یان کرد که چه‌کی قه‌ده‌غه‌کراویان به رژیمی سه‌دام حسه‌ین فرۆشتووه. به گوێره‌ی هه‌واڵێک له ئانادۆڵی، ئه‌مڕۆ چوارشه‌مه ژماره‌یه‌ك له چالاكوانانی كۆمه‌ڵی مه‌ده‌نی‌و رێكخراوی ئه‌نفالكراوانی كوردستان، بۆ ده‌ربڕینی ناڕه‌زایه‌تی‌و به‌مه‌به‌ستی داواکاریی دادگاییکردنی کۆمپانیاکانی هاوکاری رژیمی رووخاوی به‌عسی عێراق له به‌رده‌م کونسوڵخانه‌ی ئاڵمان له شاری هه‌ولێر خۆپیشاندانیان کردووه.
رێکخراوه‌کان‌و چالاکانی مه‌ده‌نی هه‌روه‌ها داوایان کردووه ئاڵمان به ره‌سمی داوای لێبوردن له خه‌ڵکی کوردستان بکات.
