زاگرۆس پۆست
تورکیە هێرشێکی بەربڵاوی لە ژێر ناوی پەنجەی هەڵۆی بۆ سەر بنکە و بارەگاکانی پەکەکە لە سنووری ھەرێمی کوردستان (باشووری کوردستان) دەستپێکرد.
لە هێرشەکەدا کە شەوی یەکشەممە ٢٥ی جۆزەردان دەستی پێکرد دەیان فرۆکەی شەڕکەری تورکیە دەستیان کرد بە بۆردومانی کەمپی پەنابەرانی مەخمور، شەنگال و چیای شەنگال، چیای قەرەچۆغ، قەندیل، وەرتێ، دەوروبەری دیانان، حەفتانین، زاپ و هەموو ئەو ناوچانەی کە بە ناوچەی جێگیر بوونی هێزەکانی پەکەکە ناسراون.
کەمپی پەنابەرانی مەخمور خەڵکی سڤیلی تێدا دەژی.
ئەو هێرشە دوای سەردانی شاراوەی هاکان فیدان سەرۆکی دەزگای ئیتلاعاتی تورکیە ” میت” بۆ بەغدا و هاوکات سەفەری جەواد زەرف بۆ ئانکارا دەستی پێکردووە.
تا ئێستا ئامار و زانیاری ورد لەسەر ئەنجامی هێرشەکان نییە.
هەتا ئێستاش فرۆکەی چاودێری تورکیە بەسەر ئەو ناوچانەدا دەسوڕێنەوە کە شەوی ڕابردوو هێرشیان کردنە سەر.
