زاگرۆس پۆست
دکتۆر بێھزادی لێپرسراوی بەشی بێھداشت و دەرمانی مەھاباد ھەواڵی کۆچی دوایی ٤ ھاوڵاتی گیرۆدە بە کۆرۆنای بڵاو کردەوە.
ناوبراو دەڵێ: شەوی رابردوو ٢ نەخۆش و سەرلەبەیانی ئەمڕۆش ٢ نەخۆشی دیکە گیانیان لەدەستداوە و تەمەنی ئەو کەسانە ٦٥ ساڵ، ٦٨ ساڵ، ٧٥ ساڵ و ٥٢ ساڵ بووە و ٢ کەسیان ژن و ٢ کەسی دیکەشیان پیاو بوون.
بەم ٤ کەسەوە کە بە تازەی مردوون، تا ئێستا ٢٤ کەس لە مەھاباد بە ھۆی نەخۆشی کۆرۆنا گیانیان لەدەست داوە.
وەزارەتی بێھداشتی رژیم دەڵێ: تا ئێستا نزیک بە ٧ ھەزار و ٤٠٠ کەس لە ئێران بە ڤایرۆسی کۆرۆنا گیانیان لەدەست داوە، بەڵام ھەواڵنێرییە سەربەخۆەکان باس لە مەرگی ٤٥ ھەزار ھاوڵاتی ئێرانی بەم ھۆیەوە دەکەن.
