زاگرۆس پۆست
٢ ھاوڵاتی دیکە لە شاری سەقز و ٢ ھاوڵاتیش لە شاری سەرپێڵ زەھاو بە ھۆی نەخۆشی کۆرۆنا گیانیان لەدەستدا.
بە پێی ئەو ھەواڵانەی لە راگەیاندنە مەدەنیەکانەوە بڵاو بوونەتەوە، بەرەبەیانی ئەمڕۆ شەممە ٢٤ی رەشەممە بەرانبەر ١٤ی مانگی مارس، ٢ ھاوڵاتی دیکە لە شاری سەقز کە یەکێکیان ژنێکی تەمەن ٦٥ ساڵ بوو بە ھۆی نەخۆشی کۆرۆنا گیانیان لەدەست داوە و ئەمەش لەحاڵێکدایە کە تا ئێستا نزیک بە ٣٠ ھاوڵاتی لەو شارە بە ھۆی ڤایرۆسی کۆرۆناوە گیانیان لەدەست داوە.
ھەروەھا ٢ ھاوڵاتی دیکە ئەمڕۆ لە شاری سەرپێڵ زەھاو بەھۆی گیرۆدەبوون بە نەخۆشی کۆرۆنا گیانیان لەدەست دا و بەم پێیە تا ئێستا ٥ ھاوڵاتی لەو شارە بە ھۆی ئەم ڤایرۆسەوە گیانیان لەدەست داوە.
