زاگرۆس پۆست
بەرەبەیانی ڕۆژی هەینی ٢٥ی ڕێبەندانی، هێزە ئەمنییەتیەکانی رژیم لە شاری سەقز هەڵیانکوتاوەتە سەر ماڵی گیانبەختکردوویەکی پژاک بە ناوی خالید شێخی کوڕی رەئوف شێخی و براکەی بە ناوی “حامد شێخی”و دوو زاوای ناوبراویان بە ناوەکانی ”نەبی مەلاوەیسە“ و ”ئەیووب خانی“ دەستگیر کردووە.
دەوترێ ئەو هێزانە کە نزیکەی ٢٠ کەس بوون کاتژمێر ٧ی بەیانی و هاوکات لەگەڵ شەشەمین ساڵڕۆژی گیانبەختکردنی خالید شێخی هەڵیانکوتاوەتە سەر ئەو بنەماڵەیە و سەرەڕای دەستگیرکردنی ئەو سێ کەسە کەڵکیان لە ئسپری وەرگرتووە و بێڕێزییان بە ژنەکانی ئەو بنەماڵەیە کردووە و هەموو وێنەکانی ناوبراویان لەپێش چاوی بنەماڵەکەی دڕیوە.
