زاگرۆس پۆست
ئەمڕۆ سێشەممە ٨ ی ڕێبەندان بەرپرسانی زیندانی سنە بە شێوەی فەرمی “حەیدەر قوربانی” ئاگادار کردووەتەوە کە لە لایەن دادگای شۆڕشی ئەو شارەوە سزای لە سێداردەدانی بەسەردا سەپێندراوە. حەیدەر قوربانی بە ١٢٠ ساڵ زیندانی تەعزیری حوکم درابوو بەڵام دادگای سنە ئەو سزایەی گۆڕی بۆ ئێعدام کردن.
هەر لەو پێوەندیەدا زیندانیەکی سیاسی دیکەی کورد بە ناوی مەحمود سادقی هەر لە گرتووخانەی سنە سزای زیندانەکەی لە ٣٠ ساڵەوە بۆ ٢٥ ساڵ شکێندرا.
ئەو دوو زیندانیە کوردە کۆتایی مانگی ڕەزبەری ساڵی ١٣٩٥ بە تۆمەتی هاوکاری بۆ کووشتنی چەند کەسێک لە دەستوپێوەند و جاشەکانی سەر بە رژیم دەستگیر کرابوون.
