زاگرۆس پۆست
چالاکێکی مەدەنی کە ھاوکات لە نێو گرووپە شاخەوانیەکانی شاری سنە چالاکی دەکرد لە لایەن ھێزەکانی رژیمەوە دەستگیر کرا.
فەردین مورادی ناوی ئەو لاوە کوردەیە کە لە نێو دووکانەکەی وێڕای دەستبەسەرا گرتنی کەلوپەلە شەخسیەکەی، دەستگیر و راپێجی شوێنێکی نادیار کراوە.
تا کاتی ئامادەکردنی ئەم ھەواڵە ھۆکاری دەستگیر کردن و شوێنی راگرتنی فەردین مورادی نادیارە و وێڕای بەدواداچوونی بنەماڵەکەی، ھیچ زانیارییەک لە چارەنووسی لە بەردەستدا نیە.
