زاگرۆس پۆست
دوێنێ سێشەممە ٢٤ی بەفرانبار، ھێزە ئیتلاعاتیەکانی رژیم دوو چالاکی مەدەنی بە ناوەکانی #سیروس_عەباسی و ھاوسەرەکەی #فەریدە_وەیسی لە شوێنی کارەکەیان (فێرگەی زانست) لە شاری #دێگولان دەستگیر کردووە.
ھێزەکانی رژیم ھەروەھا #ئازاد_عەباسی برای سیروس عەباسی کە کاتی دەستگیر کردنەکەیان لە شوێنی کارەکەی ئەوان بووە، دەستگیر کردووە و بۆ شوێنێکی نادیار رایانگواستووە.
دەزگا ئەمنیەتیەکانی رژیم تا ئێستا ھیچ وڵامێکیان بە بەدواداچوونەکانی بنەماڵەی ناوبراوان نەداوەتەوە و شوێنی راگرتنی ئەو چالاکانەیان ئاشکرا نەکردووە.
