زاگرۆس پۆست
کۆڵبەرێکی خەڵکی شاری سەڵماس بە تەقەی راستەوخۆی هێزە نیزامیەکانی ڕژیم لە سنووری شاری شنۆ گیانی لەدەستدا.
بەپێی هەواڵی گەیشتوو بە ئاژانسی هەواڵدەری زاگرۆس پۆست: ڕۆژی سێ شەممە ٢٩ی گەلاوێژ هێزە چەکدارەکانی ڕژیم کاروانێکی کۆڵبەرانیان لە سنووری کێلەشینی شاری شنۆ دایە بەر دەسڕێژی گولە و لە ئەنجامئ ئەو دەسڕێژیە کۆڵبەرێک بە ناوی “محەمەد حەمیزادە” ٣٢ ساڵ تەمەن گیانی لەدەستدا.
بە داخەوە ڕۆژ نیە کە هەواڵی دڵتەزێنی لاوانی کوردستان بەتایبەت لە ناو کۆڵبەران نەبیستین ، کە کۆڵبەرێ بە گوله، کۆڵبەرێ بە خنکان، کۆڵبەرێ بە کەوتن و کۆڵبەرێ بە ڕنوو، گیانی لەدەست نەدا.
