زاگرۆس پۆست
هێزەکانی سپای ڕژیم لە شاری شنۆ،هێزیان لە گوندەکان کۆکردوەتە و گوندی قەرەسەقەلیان گەمارۆ داوە.
بەپێی ڕاپۆرتی گەیشتوو بە ئاژانسی هەواڵدەری زاگرۆس پۆست؛ ڕۆژی هەینی ٤ی گەلاوێژ هێزەکانی سپای پاسدارانی ڕژیم ڕژاونەتە ناو گوندی “قەرەسەقەل” سەر بە شاری شنۆ و ئەو گوندەیان گەمارۆداوە.
سەرچاوەیەکی ئاگادار بە زاگرۆس پۆستی ڕاگەیاند، کە زیاتر لە ١٠٠ سەربازی سپای پاسداران لە باخەکانی ئەو گوندەدا گەشت لێدەدەن و بە توندی چاودێری هاتوچۆی خەڵک دەکەن.
شایانی باسە کە سپای پاسدارانی ڕژیم لە ماوەی چەند مانگی ڕابردوودا هەوڵی نوێ کردنەوەی بنکە و پایگا کۆنەکانی داوە و هەروەها چەکی قورس و سووک ڕەوانەی شارەکانی کوردستان کردووە و کەش و هەوایەکی تەواو نیزامی بە سەر کوردستاندا زاڵ کردووە.
