زاگرۆس پۆست
ڕۆژی یەک شەممە کاسبکارێکی کورد خەڵکی شاری پیرانشار لە لایەن هێزە چەکدارەکانی ڕژیمی ئێرانەوە درایە بەر دەسڕێژی گوللە و بریندار بوو.
بەپێی هەواڵی گەیشتوو بە ئاژانسی هەواڵدەری زاگرۆس پۆست؛ ڕۆژی یەکشەممە، ٩ی پووشپەڕ، کاسبکارێکی کورد بە ناوی “یوونس ئاڵتوون”، تەمەن ٢٦ ساڵ، خەڵکی گوندی “نەمنجێ” سەر بە شاری پیرانشار، بە تەقەی ڕاستەوخۆی هێزە نیزامیەکانی ڕژیم لە نێوان گوندەکانی زێوکە و ماشکان،بە بێ ئاگادار کردنەوەی پێشوو، بریندار بوو و دوایی بۆ چارەسەریی پزیشکی بە هۆی قورسی برینەکەیەوە ڕەوانەی ناوەندی دەرمانی شاری ورمێ کراوە، لە ژێر چاودێری پزیشکیدایە.
