زاگرۆس پۆست
ئیدارەی شارەداریی بە هاوكاری شورای ئیسلامی شاری گیلانغەرب بە شێوەیەكی بەربڵاو دەستیانداوەتە بڕینی دار تووەكان لە پاركی فەلاحەت.
ئەمە لە حاڵێكدایە كە ئەم وەرزە وەرزی چاندنی دارو گوڵە بەڵام ئەم دوو ئیدارەی كۆماری ئیسلامیی لە شاری گیلانغەرب دەستیانداوەتە بڕینەوەی دار تووەكانی پاركی فەلاحەت‌و ئەمەش ناڕەزایەتی خەڵكی لێكەوتوەتەوە.
كۆمەڵێك لە خەڵكی ناڕازی بە بڕینەوەی دارتووەكان رایانگەیاندووە، ئێستا وەرزی چاندنی نەمام‌و دارو گوڵە نەك بڕینەوەی دارەكان‌و بەمشێوە ناڕەزایەتی خۆیان بەرانبەر ئیدارەی شارەداری‌و شورای ئیسلامی شاری گیلانغەرب دەربڕیوە.
