زاگرۆس پۆست
بە هۆی ئاگر کەوتنەوە زیاتر لە ۴۶ هێکتار لە سروشت و زەوی و زاری دەوروبەری شاری چەرداوڵ سەر بە پارێزگای ئیلام تۆشی زەرەر و زیانێکی زۆر بوو.
بە پێی هەواڵێ گەیشتوو بە ماڵپەڕی هەواڵی زاگرۆس پۆست؛ ڕۆژی چاور شەممە ١٥ی جۆزەردان ئاگرەکە لە زەویەکانی کشت وکاڵی گوندی “بەر ئافتاب” دەستی پێ کردووە و پاش سوتاندنی بڕێکی زۆر لە زەوی و زاری خەڵکی ناوچەکە، ئاگرەکە پەرە دەسێنێت و دەگاتە دارستان و لەوەڕگەی ئەو ناوچەیە و زەرەر و زیانێکی زۆریش دەگەیەنێتە سروشتی ناوچەکە.
هەروەها جێگای ئاماژەیە کە۱۲ هێکتار لەزەوی و زاری خەڵکی گوندی “وەزیر ئاوا”ی کە زۆربەیان کێڵگەی گەنم بوون بە هۆی ئاگر کەوتنەوە لەناو چوون.
لەم بارەوە خەڵکی ناوچەکە رایانگەیاندووە کە هۆکاری ئاگر کەوتنەوەکەیان بەدەستی ئەنقەست بووە و هۆکارەکەی هەر وەک هەمیشە بە درێژەی سیاسەتەکانی ڕژیمی ئیسلامی ئێران و دەست و پەیوەندیەکانی لە رۆژهەڵاتی کوردستان دەگێڕنەوە.
