لە سێدارەدانی ژنێک لە زیندانی شاری سنە

سەر لە بەیانی ڕۆژی سێ شەممە لە زیندانی ناوەندی شاری سنە حوکمی سێدارەی ژنێکی کورد جێبەجێ کرا.

بە پێی هەواڵی گەیشتوو بە زاگرۆس پۆست؛ سەرەلەبەیانی ڕۆژی سێشەممە ٢٢ی خەزەڵوەر حوکمی سیدارەی ژنێکی کورد بە ناوی “شەرارە ئەلیاسی” لە زیندانی ناوەندیی شاری سنە جبەجێ کرا، ناوبراو پێنج ساڵ پێش بە تۆمەتی کوشتنی مێردەکەی بەناوی کاوە غوڵاموەیسی دەستبەسەر و لەلایەن دەزگای دادوەریی ڕژیمەوە بە تۆمەتی کوشتنی ئەنقەست، حوکمی سێدارەی بەسردا سەپا.