زاگرۆس پۆست
رۆژی دووشەممە هەڵسوڕاوێكی كرێكاریی كورد لە ماڵەكەی خۆی لەشاری سنە لەلایەن هێزەكانی ئیتلاعاتەوە دەستگیر‌و رەوانەی شوێنێكی نادیار كرا.
بەپێی ئەو زانیارییانەی بە زاگرۆس پۆست گەیشتووە، رۆژی 17ی رەزبەر، هێزەكانی ئیتلاعات لەشاری سنە هەڵدەكەوتنە سەر ماڵی هەڵوڕاوێكی كرێكاری بەناوی زانیاری دەباغی‌و دەستگیری دەكەن.
سەرچاوەكەی زاگرۆس پۆست باس لەوە دەكات لەپاش دەستگیركردنی زانیار کە کرێکاری شیرکەتی سەنعەتی شاری سنە بووە، بنەماڵەكەی چەندین جار سەردانی ناوەندە مەنییەكان‌و ئیدارەی ئیتلاعاتی شاری سنەیان كردوە بەڵام تا ئێستا هیچ زانیارییەكیان لەسەر رۆڵەكەیان پێ نەداون.
