زاگرۆس پۆست
رۆژی یەکشەممە ١ی ڕەزبەر مانگرتنی سەرانسەریی شۆفێرانی بارهەڵگر، لە شارەکانی ئیران سەر لە نوێ دەستی پێکردەوە.
بە پێی سەرچاوە هەواڵەکان،بەو هۆی مان گرتنی بارهەڵگرەکان زۆربەی ترمیناڵ و گاراجەکان لە پارێزگاکانی ئێران داخراون و کەرتی هێنان و گواستنەوە پەکی‌کەوتووە.
جێگای ئاماژەیە خولی سێیەمی مانگرتنی شۆفێرانی بارهەڵگر لە درێژەی مانگرتنی مانگی پووشپەڕ و گەلاوێژی ئەمساڵی هەتاوی، کە زیاتر لە مانگێک درێژەی بوو، رۆژی یەکشەممە بۆ جارێکیتر دەستی‌پێکردەوە.
ڕۆژی دووشەممە ٢ی ڕەزبەر، بارهەڵگرەکان لە شارەکانی، تەورێز و کرمان و بەندەرعەبباس و ئەراک پەیوەست‌بوون بە مانگرتنی گشتی ،و هەروەها شۆفێرانی بارهەرڵگر لە دوو پارێزگای سنە و کرماشانیش دەستیان دایە مانگرتن پەیوەست بوون بە مانگرتنی گشتی بار هەڵگرەکان لا باقی شارەکانی دیکەی ئێران.
لەم پەیوەندییەدا ناوەندە ئەمنییەکانی ڕژیم لە هەوڵدان لە رێگای جۆراجۆرەوە، گوشار بخەنە سەر شوفێر و خاوەن بارهەڵگرەکان بۆ ئەوەی مانگرتنەکەی خۆیان بشکێنن ، بەڵام لە دوای سێ رۆژ لە مانگرتنی بارهەڵگەرکان لە مانگی ڕەزبەر، ئەو مانگرتنە هەر بەردەوامە.
