بانە.. شەش هاوڵاتی كورد دەستگیر كران

دوێنێ دووشەممە 2ی رەزبەر، هێزێكی تایبەتی ئیدارەی ئیتلاعاتی شاری بانە 5 هاوڵاتی ئەو شارەیان دەستگیر‌و راپێچی شوێنێكی نادیار كرد.
بەپێی ئەو هەواڵەی بە زاگرۆس پۆست گەیشتووە، دوێنی دوشەممە هێزێكی تایبەتی ئیتلاعات لەشاری بانە لەبەردەم پاساژی بەهشت 5 هاوڵاتی كوردیان بە ناوەكانی: “میلاد رەسوڵی، موحسن قادرپەناهی، ئەركان رەزایی، رزگار محەمەدی‌و تەیب ئەحمەدی دەستگیركرد.
سەرچاوەكەی زاگرۆس پۆست رایگەیاند، رۆژی 2ی رەزبەر ، هێزەكانی رژیم شاری بانەیان بەتەواوی میلیتاریزە كردبوو و لەسەر هەموو چوار ڕێكان هێزە چەكدارەكانی رژیم جێگیر كرابوون.
وتیشی: ئەو هێزەی كەوتوونەتە گرتنی خەڵك پانتۆڵی كوردییان لەبەركردوە‌و بە دەمامك سەروچاویان داپۆشیوە‌و زۆر بە توندی و دڕندانە لەگەڵ خەڵك هەڵسوكەوت دەكەن.
بەدوای مانگرتنە گەورەكەی رۆژی 21ی خەرمانان لە هەموو شارەكانی كوردستانی رۆژهەڵات، رژیم كەوتووەتە گرتن‌و راوەدونانی هەڵسوڕاوان‌و چالاكانی مەدەنی.