زاگرۆس پۆست
لە سەرەتای ئەمساڵی هەتاویدا،لە پارێزگای ورمێ ١٤ هاوڵاتی لە کاتی مەلە کردن لە نێو بەنداوەکان و ڕووبارەکاندا گیانیان لە دەستداوە.
بە وتەی بەڕێوەبەری ڕووداو و فریاکەوتنە پزیشکییەکانی پارێزگای ورمێ: لە سەرەتای ئەمساڵدا، ١٤ کەس لە کاتی مەلەکردن لە بەنداو و ڕووبارەکانی ئەو پارێزگایە لە نێو ئاودا خنکاون.
لە سەرەتای ئەمساڵەوە هەتا ئێستا ١٤ کەس، بە هۆی ناشارەزا بوون بە مەلە کردن، لە کاتی مەلەکردن لە ئاودا خنکاون، کە ٤ کەسیان لە بەنداوەکان و ١٠ کەسیتریش لە ناو ڕووبارەکان خنکاون.
ئەو چواردە کەسە لە بەنداوەکانی قەنبەری، بەنداوی سیلوانا و ڕووباری زەڕینەڕوود و باراندۆز لە پارێزگای ورمێ گیانیان لە دەستداوە.
هەروەها بە وتەی بەڕێوەبەری ناوەندی بەڕێوەبەریی ڕوداو و فریاکەوتنەکان، سێ کەسی دیکەش لە کاتی بارانبارین و هەستانی لافاو گیانیان لە دەست داوە.
