محەمەد مورسی بە هاوكاری ئەمنیەتی لەگەڵ ئێران تاوانبار كرا

محەمەد مورسی سەرۆك كۆماری پێشووی میسر بە ناردنی بەڵگەی نهێنی دەوڵەت بۆ ئێران تاوانباركرا‌و لە ئەگەری ئەوەیكە ئەم سیخوڕیەی بەسەردا بسەپێت ئەگەری ئەوە لە ئارادایە بەرەوڕووی سزای توند بێتەوە.

رۆژنامەی گاردیەن چاپی بریتانیا رۆژی دووشەممە 5ی رەشەمە لە بڵاوكراوەیەكی خۆیدا، محەمەد مورسی سەرۆك كۆماری ئیسلامگەرای سەر بە ئیخوان ولموسلیمینی بە ناردنی بەڵگەی نهێنی دەوڵەتی میسر بۆ سپای پاسدارانی ئێران تاوانبار كرد.

دادستانی میسر لە كۆبوونەوەی پێڕاگەیشتن بە تاوانەكانی محەمەد مورسی كە بەشێكی لە تەلەفیزیۆن بڵاوكرایەوە، سەرۆك كۆماری پێشوو ‌و 35 كەس لە ئەندامانی ئیخوان ولموسلیمینی بە هەوڵدان بۆ ناسەقامگیركردن‌و هاوكاریی لەگەڵ گروپە چەكدارە دەرەكیەكان لەوانە حەماس‌و حیزبوڵای لوبنان بە تاوانبار زانی.