زاگرۆس پۆست
کۆڵکێشێکی کوردی خەڵکی شاری سەقز، پاش دەسبەسەرداگرتنی هێزە ئینتزامییەکانی ڕژیمی ئێران بەسەر شتومەکەکەی ، کۆتایی بە ژیانی خۆی هێنا.
بەپێی هەواڵی گەیشتوو بە ماڵپەڕی زاگرۆس پۆست، ڕۆژی یەکشەممە ڕێکەوتی ١٠ی پووشپەڕی ١٣٩٧ی هەتاوی ، کۆڵکێشێکی کوردی خەڵکی شاری سەقز، بە ناوی “خەلیل عیبادی” تەمەن ٤٢ ساڵ و خەڵکی گەڕەکی”تەپی ماڵان”ی سەر بە شاری سەقز، پاش ئەوەی کە هێزە ئینتزامییەکانی ڕژیمی ئێران دەستیان بەسەر شتومەکەکەیدا گرت ناوبراو دەستی بە خۆکوژی داوە و کۆتایی بە ژیانی خۆی هێناوە.
سەرچاوەیەکی ئاگادارسەبارەت بەم کارەساتە بە هەواڵنێری زاگرۆس پۆست لە شاری سەقز ڕایگەیاند کە؛ ” “ئەو هاووڵاتییە کوردە بۆ دابینکردنی بژێوی ژیانی، خەریکی کاری کۆڵبەری و کۆڵیشی بۆ خەڵک بووە و پاش ئەوەی کە لە لایەن هێزە نیزامییەکانی ڕژیمەوە دەست بەسەر کەلوپەلەکانیدا دەگیرێت، کۆتایی بە ژیانی خۆی هێناوە”.
شایانی‌باسە “خەلیل‌عیبادی”، خێزاندارە و خاوەنی چەند منداڵە کە بۆ بژێوی ژیانی خۆی و بنەماڵەکەی زۆربەی کات بۆ کاسبکارانی شاری سەقزو تەنانەت کاسبکارانی شاری بانەش خەریکی کۆڵکێشی بووە.
تەرمی ئەم کۆڵکێشە هەژارە لە نێو ئاپۆرای خەڵکی سەقز بە خاک ئەسپێردراوە.
