زاگرۆس پۆست
زیندانییەکی کوردی خەڵکی شاری سەقز، بە هۆی وەڵامنەدانەوە و کەمتەرخەمی بەرپرسانی زیندانی ناوەندی شاری سەقز بۆ چارەسەری پزشکی، لە بواری تەندرووستیەوە تووشی کێشە بووە.
“سامان ڕەحمانی”، زیندانی سیاسی کورد، لە گرتووخانەی شاری سەقز، بە هۆی برینی دەست و کەمتەرخەمی بەرپرسانی زیندان بۆ چارەسەری پزشکی، لە بارودۆخێکی خراپی جەستەییدایە و هیچ کەسیش وەڵامدەری ئەم زیندانیە نییە.
“سامان ڕەحمانی”، کوڕی “محەمەد ساڵح ڕەحمانی”یە کە بە تۆمەتی پەیوەندیدار لەگەڵ مادەی سڕکەر و هەڵگرتنی چەک، بە ٥سال زیندانی تەعزیری حوکم دراوە و ئێستاش ماوەی ٤ساڵ و نیوە لە حوکمەکەی لە زیندانی ناوەندی سەقز تێپەڕ کردووە.
