زاگرۆس پۆست
هێزەکانی سپای ڕژیمی ئێران هەڕەشەیان لە جووتیارانی سەر سنووری هەرێمی کوردستان لە نزیک سنووری حاجی عومران کردووە،کە دەبێت دوو کیلۆمێتر لە سنووری ڕۆژهەڵات و باشووری کوردستان دوور بکەونەەو.
بە پێی ڕاپۆرتی کەناڵی کوردستان ٢٤، هێزەکانی سپای پاسدارانی ڕژیمی ئێران بە بیانووی پاراستنی سنوورەکان، هەڕەشەیان لە ئاژەڵداران و جووتیارانی سنووری حاجی عۆمران کردووە، کە دەبێت تا قووڵایی دوو کیلۆمێتریی سنووری هاوبەشی نێوان باشووری کوردستان و ڕۆژهەڵاتی کوردستان خۆیان دوور بگرن و لە ئەگەری نزیکبوونەوە لە سنوورەکان، دەکرێنە ئامانجی تەقەی راستەوخۆ.
هەروەها سپای پاسداران، ٧٢ کاتژمێر موڵەتی بە جووتیاران و ئاژەڵدارانی سنووری حاجی عۆمەران داوە، کە هەتا قووڵایی دووو کیلۆمێتر و درێژایی ١٠ کیلۆمێتر، سنووری هاوبەشی هەرێمی کوردستان و ڕۆژهەڵاتی کوردستان بەجێ بهێڵن”.
بەپێی ڕاپۆرتە بڵاوکراوەکان، لە ئەگەری چارەسەر نەکردنی ئەو کێشەیە، دەبێ نزیکەی ٥٠ جووتیار و ئاژەڵدار لە سنووری حاجی عومران ئەو ناوچەیە بەجێ بێڵن.
