زاگرۆس پۆست
بارودۆخی تەندروستی دوو زیندانی سیاسی کورد، لە زیندانی ناوەندیی شاری‌سنە،خراپ‌ڕاگەیەندراوە.
بەپێی هەواڵی گەیشتوو بە ماڵپەڕی زاگرۆس پۆست، بەرپرسانی زیندانی ناوەندی شاری سنە، لە چارەسەر کردنی دەرمانی و پزشکی زیندانی سیاسی کوردی مەحکووم بە ئێعدام “ڕامین حسێن‌پەناهی”، لەدەرەوەی‌زیندان‌خۆدەبوێرن.
“ئەمجەدحسێن‌‌پەناهی” ، سەبارەت بە بارودۆخی خراپی ڕامین وا باس دەکات کە؛”تاقیکاری پزیشکییەکان لە بێهداری زیندانی شاری سنە، نیشان دەدات کە ڕامین تووشی نەخۆشینی گورچیلە بووە و بەو هۆیەوە گورچیلەکانی چڵکیان کردووە،
و بە وتەی ڕامین، بەهۆی ئەشکەنجەی زۆرەوە گورچیلەکانی تووشی خوێنڕیژی بووە و ئێستاش چڵکیان کردووە”.
“ئەمجەد حسێن پەناهی” لە دڕێژەدا ئاماژە بەوە دەکات کە”بەرپرسانی زیندان لە چارەسەریی پزیشکی ڕامین خۆ دەبوێرن و بە ڕامینیان ڕاگەیاندووە کە بە هۆی ئەوەی کە لە داهاتوویەکی نزیکدا لە سێدارە دەدرێت پێویست بە چارەسەری پزشکی ناکات و لەو بارەوە وەڵامدەری نابن.
سەڕەڕای بارودۆخی خراپی ڕامین، “ئەفشین حسێن‌پەناهی”، چالاکی مەدەنی و ژینگەپارێز، کە ٨ ساڵ و نیو زیندانی بەسەردا سەپاوە، بە هۆی ئازار و ئەشکەنجەی زۆرەوە ، بارودۆخی جەستەیی ناوبراو لە ئاستێکی مەترسیداردایە و بەرپرسانی گرتووخانەی ناوەندی سنە، ئیزنی چارەسەری پزشکی ئەفشین نادەن و چاوپۆشی لێ دەکەن.
