عەدنان حەسەن پور بۆ زیندانی زابول دوورخرایەوە

رۆژنامەنوسی بەندكراوی كورد عەدنان حەسەن پور، پاش ئەوەی لە زیندانی سنەوە بۆ مەریوان گواسترایەوە رۆژی دووشەممەی رابردوو بۆ زیندانی زابول دوورخرایەوە.
بەپێی راپۆرتی كەمپینی بەرگری لە زیندانیانی سیاسی‌و مەدەنی، رۆژی دووشەممە 28ی رێبەندان عەدنان حەسەن پور بۆ زیندانی زابول لە پارێزگای سیستان بەلوچستان دورخرایەوە.
عەدنان لە 5ی رێبەندانی ساڵی 1385 دەسگیر‌و پاش ماوەیەك بەندكردن لەژوورە تاكەكەسیەكان لە جۆزەردانی 86 لەلایەن دادگای مەریوانەوە بەتۆمەتی هەواڵدان دژی ئەمنیەتی ئێران‌و موحارەبە بە ئێعدام مەحكوم كرا كە دواتر بە 31 ساڵ‌و لەكۆتایی بە 16 ساڵ زیندان كەمكرایەوە.