زاگرۆس پۆست
ماوەی زیاتر لە چوار مانگە كرێكارانی شارەداری سەردەشت حەقدەستیان وەرنەگرتووە‌و رایدەگەیەنن كە چەندین مانگە حەقی بیمەیان لەلایەن شارەدارییەوە نەدراوە.
یەكێك لەو كرێكارانە لەمبارەیەوە دەڵێت: نزیكەی 200 كرێكارین كە لە بەشە جیاجیاكانی وەك: فەزای سەوز، ئاگركوژێنەوە‌و خزمەتگوزاریی كار دەكەین، بەڵام لەسەرەتای ئەمساڵەوە حەقدەست‌و مەزایامان وەرنەگرتووە، تەنانەت شارەداری حەقی بیمەی ئێمەی بە تامین ئیجتماعی نەداوە‌و لە ئەنجامدا ناتوانین دەفتەرچەی بیمەكانمان تازە بكەینەوە.
یەكێك لەكرێكاران دەڵێت: رێگەمان پێنادەن سەردانی ناوەندە پەیوەندارەكان بكەین، ترسی ئەوەشمان هەیە ناڕەزایی دەرببڕین، چونكە فشارێكی زۆرمان لەسەرە.
كرێكارانی شارەداری سەردەشت خوزیاری دەستبەركردنی داواكارییەكانیانن‌و دەڵێن: ساعەتی كارەكانیان زۆرە، مافی دەربرینی ناڕەزاییان نیە، حەقدەستەكانمان نادەن‌و…
