زاگرۆس پۆست
بە پێی ئاماری وەزارەتی ئەوقافی حكومەتی هەرێمی كوردستان لە هەرێمی كوردستان 5 هەزار‌و 473 مزگەوت بوونی هەیە، واتە بۆ هەر هەزار كەس یەك مزگەوت هەیە.
مەریوان نەقشبەندی به‌ڕێوه‌به‌ری په‌یوه‌ندییه‌كانی وه‌زاره‌تی ئه‌وقاف و كاروباری ئاینی حكومه‌تی هه‌رێمی كوردستان رایگه‌یاند ” به‌پێی دوا ئاماری وه‌زاره‌تی ئه‌وقافی حكومه‌تی هه‌رێم، ژماره‌ی مزگه‌وته‌كانی هه‌رێمی كوردستان (به‌بێ پارێزگای كه‌ركوك) گه‌یشته 5473 مزگه‌وت”.
ژمارەی دانیشتوانی هەرێمی کوردستان ٥ ملیۆن و نیوە و ژمارەی مزگەوتەکانی گه‌یشته 5473 مزگه‌وت، واتە بۆ ١٠٠٠ هەزار کەس بە ژن و پیاو و پیرو مناڵەوە مزگەوتێکیان بەردەکەوێت.
ئەمەش لەحاڵێكدایە كە وڵاتێکی وەک عەرەبستانی سعودی كە ژمارەی دانیشتوانی ٣١ ملیۆنە، ژمارەی مزگەوتەکانی ٩٤ هەزار مزگەوتە، واتە هەر ٣٢٩٧ کەس یەک مزگەوتیان بەردەکەوێت.
