زاگرۆس پۆست
لە سەدا 40ی زیندانیانی ئێران دوای ئازادبوون، جارێکی دیکە دەگیرێنەوە و دەگەرێندرێنەوە بۆ زیندان.
ئەسغەر جیهانگیر، سەرۆکی ڕێکخراوی گرتووخانەکانی ئێران دەڵێت: لە سەدا٤٠ تا ٤٦ ی زیندانەکان دوای ئازادبوون جارێکی تر دەگیرێنەوە. ئەو کەسانە یان بە هەمان تاوان یان بە تاوانی دیکە دەگیرن و دەگەرێندرێتەوە بۆ زیندان.
لە ئێران زیاتر لە 200 هەزار زیندانی بوونیان هەیە کە زیاترینی ئەو زیندانیانە لە شاری کەرەچ رادەگیرێن و لە سەدا 43ی زیندانیەکانی ئێران بە هۆکاری مادەسڕکەرەوەکانەوە لە زینداندان.
هەروەها هەندێ تاوانی دیکەش هەن کە ناڕاستەوخۆ پەیوەندییان بە ماددە سڕکەرەکانەوە هەیە.
ئەسغەر جیهانگیر لە درێژەی وتەکانیدا وتیشی: بە لەبەر چاوگرتنی ئەوە دەتوانین بڵێین لەسەدا %٧٠ـی زیندانیەکانی ئێران بە هۆی ماددەی سڕکەرەکانەوەیە.
