زاگرۆس پۆست
سەرلەبەیانی رۆژی چوارشەممە 29ی گوڵان دوو هاووڵاتی خەڵکی شاری پیرانشار بە هۆی کێشەی کۆمەڵایەتی کۆتاییان بە ژیانی خۆیان هێنا.
بە پێی ئەو هەواڵەی بۆ زاگرۆس پۆست نێردراوە، کچێکی تەمەن 24 و کورێکی تەمەن 25 ساڵەی خەڵکی ئاواییەکانی “شەختان و کونەلاجان” بە هۆی کێسەی کۆمەڵایەتیەوە کۆتاییان بە ژیانی خۆیان هێناوە.
ماوەیەکە لە رۆژهەڵاتی کوردستان رێژەی خۆکوژی لە نێوان لاواندا بەرز بوەتەوە و تەنها لە حەفتەکانی رابردوو لە شاری سەقز 4 کەس خۆیان کوشتوە و هەروەها لە شاری بۆکانیش دوو کەس و لە شاری سنەش 3 کەس خۆیان کوشتوە.
جێگەی ئاماژەیە پسپوران هۆکاری خۆکوژیەکان دەگەرێننەوە بۆ دۆخی خراپی ئابووری، بێکاری، راهاتوویی بە مادەسڕکەرەکان، کێشەی کۆمەڵایەتی و هەروەها نەخۆشیە دەرونیەکان وەکوو خەمۆکی.
