زاگرۆس پۆست
بە هۆی تەقینەوەی مین لە سنووری شاری پێنجوێن پاسدارێک کوژرا و چەن ئەندامی دیکەی ئەو رێکخراوە بە توندی بریندا بوون.
بە پێی ئەو هەواڵەی بۆ زاگرۆس پۆست نێردراوە، لە کێوی “کچلی” نزیک ئاوایی ” ئەحمەو گلوان”ی شاری پێنجوێن مینێک بە کۆمەڵێک پاسداردا تەقیەتەوە کە بوەتە هۆی کوژران و بریندار بوونی چەن کەس لە ئەندامانی سپای پاسدارانی رژیمی ئیسلامی ئێران و دواتر بریندارەکان گوازراونەتەوە بۆ نەخۆشخانەکانی شاری مەریوان.
بە پێی وتەی شایەتحالان ئەو پاسدارانە هاتوونەتە ناو خاکی هەرێمی کوردستان و سنووری کوردستانیان بەزاندوە و خەڵکی ناوچەکە دەڵێن: ئەمە یەکەم جار نییە کە هێزەکانی سپا سنوور دەبەزێنن و بە بیانووی جۆراوجۆر ئەندامانی سپا سنووری هەرێمی کوردستان دەبەزێنن و تەنانەت تەقەش لە مەردار و خەڵکی ناوچەکە دەکەن.
