زاگرۆس پۆست
دوێنێ شەممە هێزەكانی رژیمی ئیسلامی لە شاری سنە بەهۆی بەشدارییان لە رێوەڕەسمی رۆژی كرێكار ژمارەیەك كرێكاریان دەستگیركرد.
بەپێی ئەو هەواڵەی بەزاگرۆس پۆست گەیشتووە هێزەكانی ئیتلاعات ژمارەیەك كرێكاریان لەشاری سنە دەستگیركرد كە پاش فشاری بنەماڵەكانیان ئازاد كران بەڵام دوو كەسیان بە ناوەكانی نادر رەزا قولی‌و لوتفوڵا ئەحمەدی ئازاد نەكراون.
هاوكات هەر دوێنێ شەممە 11 گوڵان هەڵسوڕاوێكی كرێكاری بەناوی یەدوڵا سەمەدی لەلایەن ئیدارەی ئیتلاعاتی سنەوە بانگهێشت كرا‌و هەڕەشەیان لێكرد نابێت بەشداری رێوڕەسمەكانی رۆژی كرێكار بكات.
