زاگرۆس پۆست
پاش ئەوەی زیاتر لە ١١ رۆژە دو زیندانی سیاسی کورد بە ناوەکانی “رەئوف محەمەد عەلی و بەهمەن دەلایی میلان” گواستراوەنەتەوە بۆ ژووری تاکەکەسی، لە لایەن ھێزەکانی نێو زیندان دراوەنەتە بەر لێدان و سووکایەتیان پێکراوە.
بە پێی هەواڵەکان “رەئوف محەممەد عەلی و بەھمەن دەلایی میلان ” کە بە ناڕزایەتی بە پەیرەوکردنی یاسای جیاکردنەوەی زیندانیانی سیاسی لە زیندانی ورمێ دەستیان دابوە مانگرتن لە خواردن، دواتر گوازرابونەوە بۆ ژووری تاکەکەسی، لە ژووری تاکەکەسی ئەشکنجە و سووکایەتیان پێکراوە.
ئەم دوو زیندانییە بە هۆی ئەوەی لەلایەن زیندانبانەکانیانەوە گوێ بە داواکاریەکانیان نەدرا،دەستیان داوەتە مانگرتن لە خواردن و لە رۆژی پێنجشەممەی رابردوو گوازراونەتەوە بۆ ژووری تاکەکەسی زیندانی ورمێ.
