زاگرۆس پۆست
رێكخراوی رۆژنامەنوسانی بێسنور ئەمرۆ رایگەیاند وڵاتی چین گەورەترین زیندانی رۆژنامەنوسانە لە جیهاندا.
بەپێی نوێترین راپۆرتی رێكخراوی رۆژنامەنوسانی بێ سنور، لەپاش چین وڵاتانی میسر، ئێران ئەریترە‌و توركیا زۆرترین رێژەی رۆژنامەنوسیان بەندكراویان هەیە.
لە راپۆرتەكەدا بە ئاماژە بەوەی كە توركیا لەمساڵدا زۆرترین رۆژنامەنوسی زیندانی كردوە دەنوسێت: دەستگیركردنی ژمارەیەكی زۆر لە رۆژنامەنوسان نیشانەی شەپۆلێكی نوێی سەركوتی سیاسی لە توركیایە.
بەپێی راپۆرتكە ژمارەی رۆژنامەنوسانی بەندكراو لەمساڵدا 153 كەس بووە كە بەبەراورد بە ساڵی رابردوو 14% كەمی كردوە.
رۆژنامەنوسانی بێسنوری هەروەها رایگەیاند كە سوریا مەترسیدارترین وڵاتە بۆ رۆژنامەنوسان.
