زاگرۆس پۆست
کچێکی کورد لە ناوەندی شاری کرماشان و لە ئەمنترین شوێنی ئەو شارەدا بە شمشێر لەلایەن دوو ماتۆرسوارەوە هێرش دەکرێتە سەری.
بە پێی هەواڵی ئاژانسی موکریان، رۆژی سێشەممە رێکەوتی 17ی نوڤامبر لەبەرچاو دوربین و خەڵک لە دەور یەکێک لە مەیدانەکانی شاری کرماشان دوو ماتۆرسوارێک بە شمشێر هێرشیان کردە سەر کچێکی لاو و کچەکەش لە ترسی گیانی خۆیی فرێدەداتە ناو دارەکانی کەنار شەقامەکە و رزگاری دەبێت.
بەڵام کاتێ دەچێتە لای هێزی ئینتزامی و پولیسی 110 و سکالا بەرز دەکاتەوە و لەوێ هیچ وڵامێک وەرناگرێت و تەنها ئەوە نەبێ “خوا رەحمی پێکردیت، ئەمانە دایک و باوکیان نییە و …”
شایانی باسە ئەو کچە رۆژنامە نووسە و بەرپرسی لێکۆلینەوەیە لە داواکاریەکانی شارۆمەندان لە ئیدارەی گشتی “میراث فرهنگی”.
