زاگرۆس پۆست
“عەزیز سنجار” زانایەكی خەڵكی شاری مێردینی باكووری كوردستانە و توانی خەڵاتی نۆبڵی لە بواری “شیمی” (كیمیا) وەرگرت.
ئەمڕۆ چوارشەممە 15ی مانگی رەزبەر، یەكەم زانایەكی باكووری كوردستان كە ناوی “عەزیز سنجار”ە و باوكی هەشت منداڵە بەهاوبەشی لەگەڵ دوو زانای دیكەی ئەمریكایی و سوێدی خەڵاتی نۆبڵی لە بواری شیمیدا وەرگرت.
عەزیز سەنجار لە پەیوەندییەكی تەلەفۆنییدا لەگەڵ نۆبڵ میدیا، باسی لەو كاتە كرد كە پێی راگەیەندراوە ئەو بووەتە خاوەنی خەڵاتی نۆبڵ و وتی: نیو كاتژمێر پێش ئێستا پەیوەندییەكی تەلەفۆنییم بۆ هات و هاوژینەكەم وەڵامی دایەوە و لەخەو هەڵیستاندم و هەروەها وتیشی: بەهیچ شێوەیەك چاوەڕێم نەدەكرد ببمە خاوەنی خەڵاتی نۆبڵ و بە بیستنی هەواڵەكە شۆك بووم.
ئەو زانایە هەروەها وتیشی: پێموابێت ئەمڕۆ لە توركیە بەهۆی وەرگرتنی خەڵاتی نۆبڵەكەم خەڵكی ئاهەنگ دەگێڕن.
