زاگرۆس پۆست
رۆژی رابردوو لە ماڵی بنەماڵەیەكی سێ كەسی لە ئاوایی ئاگریقاش سەر بە شاری مەهاباد بە هۆی بڵاوبوونەوەی گاز لە ماڵێكدا ژنێكی 56 ساڵ تەمەن‌و منداڵێكی 7 ساڵ‌و لاوێكی 16 ساڵ تووشی گازگرتووی بوون.
لەم رووداوەدا یەكێك لە قوربانیەكان واتە لاوە 16 ساڵەكە بە هۆی گازگرتوویی زۆرەوە تووشی جەڵتەی مێشك هاتوو بەم بۆنەوە گیانی لەدەستدا. سەرۆكی شیركەتی گازی شاری مەهاباد رایگەیاند، ئەمە یەكەمین نموونەی گازگرتوویی لە ماوەی ئەمساڵدایە كە ئەم رووداوەی لێكەوتوتەوە.
ئەمە لەحاڵێكدایە كە ساڵی رابردوو 3 شارۆمەندی مەهابادی بە هۆی گازگرتوویی گیانیان لەدەستدا.
شایانی باسە، ساڵانە‌و لە وەزری سەرمای زستاندا كە خەڵك لە ماوەی ساڵانی رابردوو سیستەمی گەرمكردنەوەی گاز بۆ ژوورەكانیان بەكار دێنن، دەیان هاوڵاتیی دەبنە قوربانیی‌و تا ئێستاش لایەنێكی پەیوەندیدار بەرپرسایەتیەكەی بە ئەستۆ نەگرتووە‌و تەنیا دەڵێن، داوا لە خەڵك دەكەین، كەرەسەی شیاو بۆ كێشانی لوولەی گاز بەكار بهێنن.
