“كۆمەڵە تی ڤی” وەشانی خۆی دەستپێكردەوە

كاناڵی “كۆمەڵە تی ڤی” بۆ جارێكی دیكە و سەرلەنوێ دەستپێكرد.

بە پێی راپۆرتی “زاگرۆس پۆست”، كاناڵی ئاسمانیی “كۆمەڵە تی ڤی” سەر بە كۆمەڵە رێكخراوی كوردستانیی حیزبی كۆمۆنیستی ئێران، پاش ماوەیەك راوەستان ئەمڕۆ دووشەممە 7ی مانگی گوڵان بۆ جارێكی دیكە وەشانی خۆی دەستپێكردەوە.

ئەندامان و لایەنگرانی ئەو تەشكیلاتە سیاسیەی ئۆپۆزیسیۆنی كۆماری ئیسلامی ئێران، لە سەر تۆڕە كۆمەڵایەتییەكان وێڕای بڵاوكردنەوەی ئەم هەواڵە، پیرۆزبای لە خۆیان و بینەرانی تەلەفیزیۆنەكەیان دەكەن.

جێگای وەبیرهێنانەوەیە، لە ماوەی یەك ساڵ و نیوی رابردوو چەندین كاناڵی سەر بە حیزبەكانی رۆژهەڵاتی كوردستان و نەیاری كۆماری ئیسلامی ئێران بە ناوەكانی “ئاسۆسات، كۆمەڵە تی ڤی و تیشك تی ڤی” بە هۆی كێشەی دارایی و كێشەی ماڵییەوە بەرەوڕووی داخران بوونەوە.