زاگرۆس پۆست
تیرۆریستی داعش خەلیفەیەكی نوێی بۆ شوێنگرتنەوەی “ئەبوبەكر بەغدادی” دیاریی كرد.
گۆڤاری نیوزویك-ی ئامریكایی لە راپۆرتێكیدا ئاشكرایكردووە، كە رێكخراوی تیرۆریستی دەوڵەتی ئیسلامی لە شام و عێراق( داعش) خەلیفەیەكی نوێی بۆ جێگرتنەوەی ئەبوبەكر دیاریی كردووە، كە ئەویش “ئەبو عەلا ئەلعەفرییە” كەجێگری خەلیفەی پێشووی رێكخراوەكە بووە.
نیوزویك هۆكاری دانانی خەلیفە نوێكەی بۆ برینداربوونی ئەبوبەكر بەغدادی گەڕاندووەتەوە و ئاماژەی بەوەكردووە كە برینەكەی مەترسی گیانلەدەستدانی لێدەكرێت.
لە لایەكی دیكەوە رۆژنامەی گاردیەنی بەریتانی، ئاماژەی بەوەكردووە، كە بەهۆی بۆردومانی هێزە هاوپەیمانەكانەوە بەغدادی برینداربووە و برینەكەی قورسە و چیتر ناتوانێت كاروباری رێكخراوەكە بەڕێوە ببات.
