چەندین نوێنەری مەجلیس خوازیاری كۆتایی وتووێژەكانی ژێنێڤن

محەمەد حەسەن ئاسفەری ئەندامی كۆمیسیۆنی ئەمنیەتی نەتەوەیی‌و سیاسەتی دەرەوەی مەجلیسی ئێران رایگەیاندووە، 15 كەس لە ئەندامانی ئەم كۆمیسیۆنە گەڵاڵەیەكیان واژۆكردووە كە بەو پێیە، ئەگەر وتووێژە ناوكیەكان لەگەڵ گروپی 5+1 تا رۆژی كریسمەس نەگاتە ئەنجامێكی شیاو، ئێران پیتاندنی ئۆرانیۆمی 60 لە سەد درێژە پێ بدات.

ناوبراو ئەوەشی زیادكرد كە بە پێی ئەم گەڵاڵە ئەگەر لایەنی رۆژئاوا پابەندنی رێككەوتنەكەی ژێنێڤ نەبێت‌و رەوتی بێ بڕوایی درێژە بكێشێت، ئێرانیش پابەندی ئەو رێككەوتنە نابێت. شایانی باسە، بە وتەی محەمەد حەسەن ئاسفەری ئەم گەڵاڵە تا ئێستا لە لایەن 15 نوێنەری مەجلیسی كۆماری ئیسلامیی واژۆ كراوە.