زاگرۆس پۆست
رۆژی شەممە رێكەوتی ٩ی رەشەمە، حەفتەیەك پاش رۆژی جیهانیی زمانی زگماكی، كتێبی “وانەی كوردی” لە قوتابخانەی (سەلاحەدینی ئەییوبی)ی لە شاری سەقز، بە بەشداریی مامۆستایانی ئەو قوتابخانەیە پەردەی لەسەر لادرا.
ئەو كتێبە كە لە قوتابخانەكانی سەقز دەوترێتەوە، لەلایەن گروپی “زمانی فارسی”ەوە ئامادە كراوە.
هەروەها رۆژی شەممە 9ی مانگی رەشەممە “محەمەد باقر كیانی” سەرۆكی زانكۆی ئازادی سنە، باسی لە دانانی 2 واحیدی ئیختیاری فێربوونی زمانی كوردی لە ساڵی 94ی زایینی لەو زانكۆیە كردبوو.
ناوبراو لە درێژەی وتەكانیدا داوا لە هەموو مامۆستایان و هەڵكەوتووانی بەشی زوانی كوردی دەكات، كە بۆ دیاریی كردنی سەرفەسڵەكانی ئەو 2 واحیدە دەرسە بەشداریی بكەن.
شایانی باسە، 2ی رەشەممە بەرامبەرە لەگەڵ رۆژی جیهانیی زمانی دایك، كە هەتا ئێستا ئەو مافە رەوایە لە خەڵكی كوردستانی رۆژهەڵات و لە لایەن كۆماری ئیسلامیەوە قەدەغە كراوە.
