زاگرۆس پۆست
تیمێكی پزیشكی رۆژهەڵاتی كوردستان بۆ جاری چەندەم گەیشتنە باشووری كوردستان و یارمەتیدەری برینداران بوون.
هەواڵەكانی “زاگرۆس پۆست” لەوە دەدوێن، كە تیمێكی چەند كەسی لە هێزەكانی فریاكەوتن و پزیشكانی پسپۆڕی سەر بە كرماشانی سەردانی شارەكانی “كفری و كەلار” لە باشووری كوردستانیان كرد و لانیكەم هەزار و 500 كەس لە بریندارانی شەڕ لەگەڵ داعشیان تیمار كرد.
هەواڵەكە باس لەوە دەكات، ئەو كەسانە لە ماوەی رابردووش سەردانی باشووری كوردستانیان كردووە و خزمەتی پزیشكی و فریاكەوتنیان پێشكەشی هاونیشتمانیانی باشوور كردووە.
ئەو دكتۆر و پسپۆڕانە بریتی بوون لە: “پسپۆری مێشك و ئەعساب، نەشتەرگەری گشتی، دەروونی، بنج، ژنان و منداڵ بوون، منداڵان، دەروونناسی و دڵ”ن و رۆژی هەینی ئەم مانگە رابردوو گەیتشوونەتە شارەكانی كفری و كەلار و یارمەتیدەری خەڵكی بریندار و لێقەوماو بوون.
شایانی باسە، ئەمە چەندەمین جارە پسپۆڕانی پزیشكی و تەندروستی لە شارە جیاجیاكانی رۆژهەڵاتی كوردستان و بەتایبەت پارێزگای كرماشانەوە سەردانی باشوور دەكەن و یارمەتیی خەڵكی لێقەوماوی ئەو بەشەی كوردستان دەكەن.
