زاگرۆس پۆست
گروپی دەوڵەتی ئیسلامی لە عێراق و شام ناسراو بە (داعش) لە ماوەی سێ مانگی رابردوودا نزیكەی 120 چەكداری خۆی كوشتوووە، كە زۆربەیان بە نیاز بوون بۆ وڵاتەكانی خۆیان بگەڕێنەوە.
بەپێی راپۆرتێكی رۆژنامەی “ئیندیپندێت”ی بەریتانی، رامی عەبدولڕەحمان سەرۆكی چاودێری مافی مرۆڤی سوریە رایگەیاندووە، كە كوشتنی ئەو 120 كەسە لە لایەن داعشەوە پشتڕاستكراوەتەوە، بەڵام چەندین سەرچاوەی دیكە باس لەوە دەكەن ئەو ژمارەیە 200 كەس و زیاتریشە.
بەپێی هەواڵەكە 116 كەس لەو 120 كەسە چەكداری كە داعش پشتڕاستی كردووەتەوە خەڵكی وڵاتانی ئوروپایی بوون.
