زاگرۆس پۆست
لە لایەن هێزە ئەمنییەكانی هەردوو شارەدێی سەعدییە و جەلەولاوە، 4 گۆڕی بە كۆمەڵ دۆزرانەوە، كە تەرمی 320 قوربانیی دەستی داعشی تێدا نێژراوە.
بە پێی هەواڵی ماڵپەڕی پاس نیوز، دوێنێ سێشەممە 3 گۆڕی بە كۆمەڵ لە ناوچەكانی (كۆباشی، جەلەولا و سەعدییە) دۆزراونەتەوە، كە زیاتر لە 250 ڕووفاتی هاووڵاتییانی تێدایە.
دەلۆ ڕوونیشی‌كردەوە، بەشێك لە ڕووفاتەكان، منداڵن و پێشتر لە ماوەی داگیركردنی ناوچەكە لە لایەن چەكدارانی ڕێكخراوی توندڕەوی داعش، گوللـەباران كراون.
ئەندامی لێژنەی ناوچەی جەلەولای پارتی ئاماژەشی بەوە كردووە، بە هۆی ئەوەی تەرمەكان شێوێنراون و تێكچوون، بە زەحمەت تەرمی قوربانییەكان دەناسرێتەوە، كە لە كورد و عەرەبی ناوچەكەن.
هەروەها لەم رۆژانەی دواییدا و لە كاتی گرتنەوەی شاری شەنگال، لە لایەن هێزی پێشمەرگەی كوردستان لە چیای شنگال گۆڕێكی بەكۆمەڵیان دۆزیوەتەوە، كە رووفاتی نزیكەی 70 كەسی تێدایەو هەموویان كوردی ئێزدین و بەدەستی چەكدارانی داعش گیانیان بەختكردووە.
