زاگرۆس پۆست
رێكخراوی یونیسێف بە ئیدانەكردنی كوشتاری منداڵان لە پاكستان‌و یەمەن رایگەیاند 230 ملیۆن منداڵ لە سەرانسەر جیهان بەهۆی توندوتیژییەكانیەوە گیانیان لەمەترسیدایە.
سندوقی منداڵانی سەر بە رێكخراوی نەتەوە یەكگرتوەكان “یونیسێف” لە بەیاننامەیەكدا قەتڵوعامی 141 كەس لە قوتابخانەیەكی پاكستان و بەتایبەت 132 منداڵ و هەروەهاو كوشتنی 15 كچ لە تەقینەوەی ئۆتۆمبیلێك لە یەمەن، لە رۆژی سێشەممە، بە رۆژێكی رەش لە كۆتایی ئەمساڵ بۆ منداڵان وەسف كرد.
یونیسێف جەخت دەكاتەوە كە ساڵی 2014 ساڵێكی زۆر سەخت بۆ منداڵان‌و مامۆستاكانیان بووە كە بەردەوام توشی توندوتیژیی بوونەتەوە.
گروپی مافەكانی مرۆڤ لە رێكخراوی نەتەوە یەكگرتوەكان ئەوە پشتڕاست دەكاتەوە كە ساڵی 2014 بە بوونی 230 ملیۆن منداڵ لەو وڵاتانەی شەڕیان تێدایە، منداڵان گەورەترین قوربانی شەڕن.
