زاگرۆس پۆست
180ئەندامی گرووپی توندئاژۆی “بوكوحەرام” لە هێرشێكدا كرانە ئامانج و هەموویان كوژران.
بە پێی راپۆرتی هەواڵنێریی “شیننهوا” لە وڵاتی چین، پاش هێرشی هێزە ئەمنیەتیەكانی وڵاتی “كامرون” لە ئاكامدا 180 چەكداری گرووپی توندڕەوی بوكوحەرام كە پشتیوانی خۆیان لە گرووپی داعش دەربڕیبوو، كرانە ئامانج و كوژران.
دەوترێ 400 ئەندامی گرووپی توندڕەوی بوكوحەرام رۆژی پێنجشەممەی رابردوو كاتژمێر 8ی شەو، لە شاری “ئامچید” لە ناوچەی باكوور و سنووری نێوان وڵاتانی “نیجریە_كامرون” هێرشیان كردووەتە سەر هێزە ئەمنیەتیەكان.
دەوترێ لەو تێهەڵچوونەدا هێزە ئەمنیەتیەكان هیچ خەسارێكیان بەر نەكەوتووە، بەڵام توانیویانە 180 چەكداری بوكوحەرام بكوژن.
